Жетісу өлкесінде 4 мыңға жуық отбасы баспаналы болады

Алматы облысында «5-10-20» бағдарламасы арқылы тұрғындарды  650 пәтермен қамтамасыз ету жоспарлануда.Бұл жайлы толығырақ «Jetisy Media» ақпараттық алаңында хабарлады.

Аталмыш бағдарлама Қазақстан тұрғын үй жинақ банкінің серіктестігімен іске асырылуда.Сондай-ақ, жоспардағы пәтерлердің 550-і кредиттік,100-коммерциялық болмақ.

Ағымдағы жылы бюджет қаражаты есебінен 311,9 мың шаршы метр тұрғын үй немесе 4 126 пәтер салу жоспарлануда.Жыл соңына дейін жалпы ауданы 191,3 мың шаршы метр болатын 2 603 пәтерлік 521 үйді пайдалануға беру көзделген.

«2021 жылы 3 700-ден астам азамат қоныс тойын тойлайды деп күтілуде. Бұл ретте, «Нұрлы Жер» арқылы 1 745 пәтер, Бақытты отбасы-519 пәтер, «7-20-25» -817 пәтер, 509-коммерциялық тұрғын үй ел игілігіне үлестірілмек. Бұдан басқа, жеке құрылыс салушылар есебінен коммерциялық тұрғын үй салуды ынталандыру мақсатында облыс әкімдігі қазіргі уақытта 34 перспективалы алапты анықтады»-деді, Алматы облыстық құрылыс басқармасы басшысының орынбасары Ерке-Бұлан Усманбаев.

Айта кету керек,іске қосылған коммерциялық пәтерлердің 50% -ы Мемлекеттік бағдарламалар аясында жүзеге асырылады. Жобаларды іске асыру тұрақты бақылауда тұр.

Меруерт Ақбарова

Добавить комментарий

Ваш адрес email не будет опубликован. Обязательные поля помечены *