«Тастөбе Агрофуд» шаруашылығының сүтіне деген сұраныс жоғары. Ауданда 2004 жылдан бастап іргесін қалап, құнарлы да құйқалы топыраққа жүгері егіп бастаған «Тастөбе АгроФуд» жауапкершілігі шектеулі серіктестігі бүгінде Зеңгібаба түлігі есебінен табысын тасқындатып отыр. Өндіріс орны 2016 жылы толықтай жаңартылып, жаңа қондырғылар орнатылды. Фермадағы жұмыстың дені автоматтандырылған, бір жүйеде атқарылады. Сиырлар неміс технологиясымен, бір мезетте арнайы құрылғымен сауылады. Қорадағы 24 сиырдың сүтін төкпей-шашпай сауатын аппарат мен малды күтіп баптау процесі «Dairy pian» жүйесінде жұмыс істейді. Өндірісті тұтастай автоматтандыру, өнімділікке жол ашқан. Нәтижесінде тәуліктік өнім шығару қуаттылығы екі есеге артып отыр. Биылғы жылдың сәуір айынан бастап, 1000 басқа дейін жеткізуге жұмыстар атақарылуда. Германиядан 30 бас «Голштейн» тұқымы және 600 бас «симменталь» тұқымы сатып алынып әкелінді. Қазіргі уақытта 555 бас сиыр төлдеп, сауылады. Тәуліктік сүттің жалпы сауымы 10,060 тоннаны әрбір жемдік сиырдан тәулігіне орташа 19-22 литрді құрайды. Бүгінде жергілікті билік «Тастөбе АгроФуд» ЖШС-ін қолдау мақсатында 1260 гектарға жуық жер бөлінген. Соның 760 гектары – суармалы жер. Мұндағы сиырлар негізінен сүт өндірісіне бейімделгеніне қарамастан қазірдің өзінде бір жарым жасар аналығының салмағы 600 келіні басса, аталықтарының ауырлығы бір тоннадан 200 келіге дейін асуда. Оның үстіне, немістің асыл тұқымды бұл ірі қаралары үнемі қолда бағылатындықтан көп мөлшердегі сүтпен қоса, өз салмағына күніне 1300 грамға дейін ет қосады. Демек, мал басы төл есебінен еселене түскенде мұнда ет өндірісінің өркендейтіні, Тастөбе тауарының ауданға ғана емес, республикаға белгілі болары анық.
- Latest
