Жердің бетін жалмап жатқан вирус әрмен қарай өрши түсуде. Әлемде 500 мыңнан астам адам көз жұмған. Жаға ұстатарлық сандар. Соған қарамастан әлі де болса бейқамбыз. Мынандай заматта отыз күн ойын, қырық күн тойын тойлап жатқан «әпенділер» де бар. Біздің санамыздағы саңылауға «сақтық шаралары» деген сөз ене ма, жоқ па? Өзімізді не өзгені аямайтын хәлге жеттік. Бейбіт күнде көк байрағымыз көктен түспейді деп ойлап едік. Бұл бір сұрапыл болды. Індеттің салдарынан көз жұмғандар өте көп сол үшін 13 шілде- Ұлттық аза тұту күні деп жарияланды. Осыдан-ақ, жағдай қыл үстінде тұрғанын аңғару керекпіз ғой. Мемлекет миллиардтап ақша аударғанымен біздің тараптан сақтық шараларын сақтап, тәртіпке бағыну сияқты амал, әрекеттер жасалмаса қазынадан бөлінген қаржы ауаға ұшады. Сол себепті салғырттық танытпайық.
Ермек Келемсейіт,
Облыстық ардагерлер
кеңесінің төрағасы.
