Жалпы Текелі қаласы бойынша 22 мекемеде өзіне өзі қызмет көрсету бұрыштары орналастырылғандығын және карантин режиміндегі Халыққа қызмет көрсету орталығының қазіргі жұмыс барысын Текелі қалалық Халыққа қызмет көрсету бөлімі басшысы Смагулов Ермуханбет Даулеткалиевич «JETISÝ MEDIA» ақпараттық алаңында өткен баспасөз маслихатында атап өтті.

Әлемдік пандемия COVID-19 қоғамның барлық салаларына өз әсерін тигізді. Карантин азаматтарға шектеу қойды, бірақ жаңа мүмкіндіктер берді.

Бүгінде Текелі қалалық ХҚК бөлімі барлық санитарлық-эпидемиологиялық стандарттарға сәйкес жұмыс жасап жатыр, атап айтқанда ғимаратта маска режимі сақталған. Ғимараттарда санитарлық тазартқыштар орналастырылып, антисептиктермен қамтамасыз етілген. Вирус жұқтыру қаупін болдырмау мақсатында кезекте тұрған азаматтар үшін ғимараттардың ішінде де, сыртында да 1,5-2 метр қашықтықта таңбалар қойылған.

Елдегі вирустың таралу қаупі әлі де сақталуына байланысты қоғамдық және жеке ұйымдар жұмыс тәсілдерін өзгертті. Сонымен қатар Халыққа қызмет көрсету орталығының жұмыс тәртібінде уақытша өзгерістер орын алды.

Алматы облысының Бас мемлекеттік санитариялық дәрігерінің 19 маусымдағы №17 қаулысына сәйкес аймағымыздағы Халыққа қызмет көрсету орталықтары өз жұмыс кестесін уақытша өзгертті.

Облыстағы барлық Халыққа қызмет көрсету орталықтары азаматтарды күнделікті сағат 10.00-ден 16.00-ге дейін қабылдайтын болады.

Бүгінгі таңда электронды үкімет порталында барлық мемлекеттік қызметтің 80%-дан астамын қазақстандықтар өз үйінен немесе жұмыс орнында отырып-ақ алуына болады. Ол үшін электронды сандық қолтаңбасы (ЭСҚ) болса болғаны. Қазіргі уақытта ЭСҚ-ны да egov.kz порталында алу мүмкіндігі бар. Сондай-ақ кейбір қызметтер мен сервистерді ЭСҚ-сыз, бір реттік құпия сөздің көмегімен алуға болады. Ол үшін мобильді азаматтар базасында тіркелу қажет. Электронды түрде қолжетімді қызметтерді азаматтар өздігінен egov.kz порталында, eGov mobile, EgovKzBot2.0 мобильді қосымшаларының, Facebook және Вконтакте әлеуметтік желілері чат-боттар арқылы да ала алады.

Текелі қаласы бойынша 22 өз-өзіне қызмет көрсету бұрышы орналасқан, сол жерлерден өз уақыттарыңызды үнемдеп және санитарлық нормаларды сақтап электронды қызмет түрлерін алуға болады.

Бұл жерде тағы айта кетерлік, егерде азаматтың ЭСҚ-сы болмаса және мобильді азаматтар базасында тіркелмесе, парақшаның оң жақ төменгі бұрышындағы «Виртуалды ассистент» батырмасын басып «Азаматтарға арналған үкімет» операторлары қазақстандықтарға egov.kz порталындағы бейне қоңырау арқылы ЭСҚ-ны және мобильді азаматтар базасына тіркелуге тікелей кеңес беруде.

«Азаматтарға арналған үкімет» операторларының жұмыс уақыты дүйсенбіден сенбіге дейін таңғы 9.00-ден кешкі 20.00-ге дейін жұмыс істейді. Қоңырау шалу тегін.

Добавить комментарий

Ваш адрес email не будет опубликован. Обязательные поля помечены *