Елімізде «Жұмыспен қамту жол картасы» табысты жүзеге асып келеді. Жобаның негізгі мақсаты – жұмыссыздық санын азайта отырып, халықтың еңбекпен қамтылуын қамтамасыз ету. Осы жол картасы жас буын өкілдеріне де қолдау танытуда. Әсіресе, аудан және ауылдық округтерде қарқынды түрде іске асырылуда.
Ақсу ауданында «Жұмыспен қамту жол картасы» бойынша 52 жоба іске асырылады. Аталмыш жоба аясында 2 млрд 148 млн 349 мың теңге қаражат бөлінген.
Соның арқасында 537 жұмыс орны ашылады деп жоспарланған. Оның ішінде 268 адам Халықты жұмыспен қамту орталығының жолдамасы арқылы еңбекпен қамтылады.
Жобаға қатысушылардың ішінде: 29 жасқа дейінгі жастар – 31, мүмкіндігі шектеулі жандар – 6.
Абаттандыру жұмыстары аудан орталығы І.Жансүгіров ауылындағы Бөрібай батыр ескерткішін орнату, орталық саябақты абаттандыру жұмыстары басталуда. Сондай-ақ, Арасан, Еңбек ауылдарына су құбырлары тартылады.
Жол картасы барысында көшедегі шамдарды қалпына келтіру, ауылды жарықтандыру назардан тыс қалмаған. Бұл жұмыстар, І:Жансүгіров, Қалап, Қызылағаш ауылдарында жүргізілмек.
Ал, Көшкентал, Еңбек, Матай, Көкөзек, Егінсу, Қызылағаш, Б.Сырттанов, Ақсу, Сағабүйен, І.Жансүгіров, Н.Есеболатов, Молалы, Қаракөз ауылдарында жалпы 14 спорт алаңдары салынады деп жоспарланған.
Аудан бойынша 27 мектептің әжетханалары мектеп ішіне кіргізіледі.
Ауылдардың ішкі көше жолдары орташа жөндеуден өтпек, жалпы 12 көше қайта қалпына келтіріледі.
Инфрақұрылымдық жобалар жұмыссыз азаматтарды жұмыспен қамтуды көздейді.
Қауіпті індет дендеп тұрған, қиын шақта, мемлекет тарапынан жасалынып жатқан осындай игілікті шара көңілге медеу. Осы бағдарлама шеңберінде талай істер атқарылып, жұмыссыздық азаяды. Аталған жұмыстардың барлығы жыл аяғына дейін аяқталады деп жоспарлануда.
