Талдықорған қаласындағы «Алтын бесік» ясли балабақшасында «8-наурыз – Халықаралық әйелдер күні» мерекесіне орай сән-салтанатымен мерекелік көңіл- күй сыйлаған әсерлі кеш өтті.
Аталған шара ерте жас «Балапан» тобының қатысуымен атқарылды. Қадамын енді басқан, тілінен бал тамған бөбектердің асыл аналарына арнап дайындаған алғашқы мерекелік бағдарламасы мереке иелерінің көңілінен шықты.
Мерекелік кеш барысында сөз алған ата-аналар бөбектерінің ортаға бейімделіп, балғын шағын бақытты өтуіне ықпал етіп отырған балабақша меңгерушісі Гүлбану Асанбекқызына, әдіскерлер Ләзат Сәрсенова, Гүлнұр Абдильдаева бастаған ұжымға ата-аналар өз кезегінде алғыстарын айтты.
Кішкентай балапандарымызды қанат қақтырып, өмірдің сан белестерін бағындыруына жол ашып жатқан тәрбиешілеріміз Жазира Дүйсембекқызы мен Айгерім Қазбеқызын, көмекшісі Еркенай Қуатбекқызын ерекше атап өткіміз келеді дейді аналар қауымы.
Осынау көктеммен бірге келетін мерекелік көңіл-күй сергектіктеріңіз бен күш-жігерлеріңіздің қуат көзіне айналсын. Дендеріңізге саулық, көңілдеріңізге шаттық, бақыт, қуаныш, отбасыларыңызға құт-береке, ауызбірлік пен тыныштық тілейміз деп мерекелік шара соңында ақжарма тілектерін жеткізіп, өлең жолдарында арнады.
Көктемнің нұрындай гүл қыздар,
Сәбилер жанып тұрған жұлдыздар.
Ата, Әже, Аналармен гүл қыздар,
Көгімдегі жұлдыз болып жаныңыздар
Қыр гүлі бәйшешекте гүлденсін,
Айналап құлпырып бір түрленсін.
Біздің мынау сәби бала-бақшаға,
Құшақ жая көктем ана бір енсін.
Алтын бесік біздің бала бақшамыз,
Соған арнап жырдан шашу шашамыз.
Бұл мереке баршамызға қуаныш,
Қуанышты барша жанға арнаймыз.
Әйгеріммен Жазира дай апайлар,
Тәрбиеші, Көмекші аналар.
Балапандар бізге сондай бақытты,
Біздер ана, сәбилер бақ саналар
Ізгі ниетпен: Талдықорған каласының «Алтын бесік» ясли балабақшасының «Балапан» тобы бүлдіршіндерінің
ата-аналары .
